दहेज गीत १

शेर :-
       हे भईया कान खोलि सुनी ला परसों देखुवरवा आई रहा 
       दैजा दहेज में पांच लाख चर  चक्का  दुपहिया  देत रहा  
       बेटवा तऊ राजी रहा  मोर  मन  हमरा  नाहीं मानि  रहा 
       हिम्मत गर हो ऐसे  ज्यादा  तो  हमरे  दुवारे  खड़ा  रहा  

टेक :-          दुलहा के लागल बाटई सेल खेल गजबई इ भइल बा 
                            सबके काने पड़ी गइल तेल  खेल गजबई इ भइल बा 
                        
                             नाही बाटई खटिया बिछावई के दुवारिया 
                             दैजा   में   गाड़ी   मांगे   टाटा    सफरिया 
                             कईसे  पड़ी  ओहमेन  तेल खेल गजबई इ भइल बा


                             चाही   बा   पतोहिया   नौकरिया    वाली
                             बेटवा   त   घूमे   जैसे   बनिके   मवाली 
                             कइसे खाई दुनहूँ के मेल  खेल  गजबई इ भइल बा
                          
                              नाही बिकी जाया तू बाजार   बनी घोडा 
                              मर्द जइसन दिलवा से दिलवा के जोड़ा 
                              खतम करा जतिया के मेल खेल गजबई इ भइल बा 


                              एहिं रे  दीपकवा  के  बात  माना  थोडा 
                              नाहीं जाबा जेलियाँ में कसि के तू तोड़ा 
                              साल खातिर होई जाइ जेल खेल गजबई इ भइल बा